Dy persona kanë humbur kontaktet me familjen në Lushnje. Sipas të dhënave të Policisë së Shtetit, këtë denoncim lidhur me humbjen e kontakteve me një 23-vjeçar dhe me një 42-vjeçare, e kanë bërë nënat e tyre.
Njëra prej tyre ka treguar se i biri punonte në Gjermani, por prej më shumë se 2 muajsh nuk kishte pasur asnjë kontakt me të e ndërsa tjetra ka deklaruar se vajza e saj 42-vjeçare ishte larguar nga banesa që nga muaji prill për të punuar në Tiranë, e që nga ai moment nuk ka pasur më kontakt me të.
Ajo gjithashtu kishte treguar se e bija nuk kishte lënë asnjë adresë ku prindërit të mund ta kërkonin.
“Në Komisariatin e Lushnjës janë paraqitur dhe kanë bërë kallëzim shtetaset: A. Q., 47 vjeçe, banuese në fshatin Ngurrëz e Madhe, e cila kallëzon se ka humbur kontaktet me djalin e saj, 23 vjeçar; R. M, 56 vjeçe, banuese në Lushnjë, e cila kallëzon se ka humbur kontaktet me vajzën e saj, 42 vjeçare,”- njoftoi Policia.
