Drenusha Latifi ka reaguar për herë të parë pas eksperiencës së saj në “Big Brother VIP Kosova 3”, duke shprehur falenderime të sinqerta për të gjithë ata që e kanë mbështetur gjatë këtij rrugëtimi. Në një postim në rrjetet sociale, ajo ka theksuar se kjo ka qenë një përvojë e jashtëzakonshme, që do ta mbajë mend gjatë.
Drenusha shprehu mirënjohje për dashurinë dhe mbështetjen e fansave, duke shtuar se është ndjerë e bekuar për mundësinë që iu dha të marrë pjesë në këtë program, dhe do të mbajë gjithmonë kujtime të paharruara.
Reagimi i plotë:
“Të dashur ndjekës dhe mbështetës,
Dua t’ju shpreh një falënderim të sinqertë për të gjithë ju që ishit pjesë e aventurës time në Big Brother VIP Kosova. Pjesëmarrja në këtë spektakël ka qenë një përvojë e jashtëzakonshme, e cila do të mbetet gjithmonë në zemrën time.
Çdo moment që kalova brenda shtëpisë, çdo sfidë dhe çdo gëzim i ndarë me ju, ka ndikuar në formimin e kujtimeve të paharrueshme. Ju falënderoj për mbështetje, për energjinë pozitive dhe për dashurinë që më keni dhuruar.
Shpresoj të vazhdojmë të ndajmë momente të bukura dhe të jemi gjithmonë të lidhur, sepse ju jeni ata që e bëni gjithçka të veçantë
Me shumë dashuri dhe mirënjohje”.
