Kanë kohë që përpiqen ta fshehin, por nga ana tjetër edhe e kanë treguar publikisht me gjeste. Dashurinë e Drake për Rihanna-n tashmë ne e kemi kuptuar.
Reperi 29-vjeçar u shfaq i papërmbajtur në lidhje me ndjenjat e tij ndaj RiRi-t gjatë koncertit të tij në Madison Square Garden.
“Nëse ju në Nju-Jork keni dashuri për Rihanna-n, bëni zhurmë! Pasi ju e dini se unë e dashuroj Rihanna-n”, tha Drake.
Është e qartë se këngëtari i “Hotline Bling” nuk e ka vështirë t’i tregojë botës se çfarë ndjen rreth këngëtares 28-vjeçare, për më tepër nuk është hera e parë që i dëgjojmë këto fjalë nga Drake.
Ata shpesh herë i kanë ngacmuar fansat në lidhje me marrëdhënien e tyre, pasi jo rrallë herë janë shfaqur me njëri-tjetrin në disa performanca, në koncert ose jo.
Për më tepër, duket se Drake nuk heq dorë nga dashuria e tij për këngëtaren, pasi burime të afërta të tij thanë se i ka përgatitur një darkë romantike 28-vjeçares.
Burimi: Daily Mail
