Ditën e djeshme, aktori i njohur i humorit shqiptar, Koço Devole, u nda nga jeta në moshën 75-vjeçare.
Ai po luftonte prej 18 ditësh me virusin Covid-19, ndërsa gjendja e tij u përkeqësua së fundmi, ndaj Devole u fut në intubim.
Aktori u shtrua fillimisht në spital si i infektuar me Covid, por pasi tamponi i doli negativ, u shtrua sërish në spital për shkak të rëndimit nga leuçemia.
Devole vuante nga sëmundje të tjera bashkëshoqëruese që e kanë vështirësuar betejën e tij me Covid-19, duke e ndarë fatkeqësisht nga jeta.
Mbrëmjen e sotme, teksa ishte e ftuar në “Opinion”, ministrja e Shëndetësisë Ogerta Manastirliu ka mohuar se aktori i ndjerë Koço Devole është nxjerrë nga spitali dhe është rikthyer sërish aty, pas përkeqësimit të gjendje së tij shëndetësore.
Ajo tha se është shumë e prekur nga kjo ngjarje, por që refuzon të përgjigjet me binjde të plotë. Ministrja tha se për rastin e Devoles do të ketë një njoftim zyrtar.
“Unë nuk mund të përgjigjem konkretisht për asnjë rast. Ju lutem zoti Fevziu, mos më pyesni në këtë mënyrë. Unë jam shumë e prekur për këtë humbje të madhe. Nuk besoj se është ashtu. Për rastin e zotit Devole do të ketë një sqarim zyrtar. Un nuk besoj se ai është nxjerrë nga spitali dhe është rikthyer sërish brenda disa orëve. Nuk ndodh kjo gjë,”- tha Manastirliu.
