Gjykata e Tiranës ka vendosur burg me afat 20 ditor për Jetnor Zhabolin, i cili mbante të izoluar gruan dhe fëmijët e tij prej një viti. Prokuroria kishte kërkuar 30 ditë heqje lirie, deri në daljen e akt-ekspertizës ligjore që do të përcaktojë gjendjen e shëndetit mendor për 35-vjeçarin.
Nga hetimet e kryera ka rezultuar se kryefamiljari Jetnor Zhaboli, sa herë largohej nga banesa, i monitoronte me kamera dhe ju bllokonte valët e telefonit duke mos i lejuar të komunikojnë me asnjë person. Në seancë, avokati ka kërkuar shtrim të përkohshëm në spital deri ne rezultatet e akt-ekspertizës.
Jetnor Zhaboli para togave të zeza ka pretenduar se gjithçka e kam bërë për të mbrojtur fëmijët e mi pasi kisha frikë për ta. Policia gjeti në banesë dy letra që gruaja u kishte shkruar familjarëve të saj ‘Po iki sepse kjo nuk është jetë”. Arresti i një dite më parë e shpëtoi nga tmerri brenda shtëpisë, teksa rasti po ndiqet nga shërbimet sociale.
