Ditën e djeshme nisi të përflitej se mësimi për shkollat do të shtyhej sërish edhe me një javë. Por procesi mësimor për nxënësit e sistemit parauniveristar dhe shkollat e larta nis të hënën në 16 janar. Burime nga Ministria e Shëndetësisë dhe ajo e Arsimit konfirmojnë se nuk ka urdhër tjetër për mbajtjen mbyllur për shkollat dhe institucione të tjera arsimore përtej kësaj date.
Ndërkohë virusi i gripit AH3N2 ka shënuar një tjetër person që ka humbur jetën, duke e çuar në 6 numrin e atyre të cilët vuanin nga një sëmundje kronike dhe vdiqën pasi gripi u rëndoi gjendjen shëndetësore.
Personi i 6 është një 76-vjeçar nga Tirana, i cili ishte i shtruar në sanatoriumin “Shefqet Ndroqi” me pneumoni dhe insuficience respiratore.
