Një valë e re besimi po përhapet mes brezit më të ri në SHBA. Sipas një studimi të fundit nga Barna Group, djemtë e Generatës Z po i rikthehen kishës me ritme më të larta se kurrë më parë, madje duke kaluar edhe Millennial-ët në pjesëmarrje. Kjo prirje po konsiderohet një rikthim i qetë por domethënës në jetën shpirtërore të të rinjve.
Daniel Copeland, nënkryetar i kërkimeve në Barna, e përshkroi këtë si “lajm të mirë për udhëheqësit fetarë”, duke theksuar se shumë nga këta djem po kërkojnë diçka më të thellë dhe më autentike sesa jeta e përditshme në rrjete sociale dhe teknologji. Sipas tij, zhgënjimi me jetën digjitale ka nxitur një etje për kuptim dhe përkatësi shpirtërore.
Nga ana tjetër, situata nuk është njësoj për vajzat e Gen Z. Të dhënat tregojnë se ato po largohen nga institucionet fetare në mënyrë të shpejtë, duke përmendur mungesën e përfaqësimit, mosbesimin institucional dhe përplasjet kulturore, veçanërisht në mjediset universitare.
Megjithatë, shenjat e një zgjimi të përgjithshëm janë të qarta: në vitin 2024, shitjet e Biblës u rritën me 22% dhe mbi 20% e të rinjve të Gen Z raportuan se lexojnë më shpesh shkrimet e shenjta.
Një brez që dikur u quajt “më pak fetari”, po e rikthen besimin në qendër të jetës së vet.
