Në emisionin “Dua të të bëj të lumtur” mbrëmjen e kaluar ishte Enveri, një zotëri nga Fieri që donte t’i kërkonte publikisht ish-bashkëshortes së tij që të rikthehej me të për hir të fëmijëve.
Pas 27 vitesh martesë, prej 8 muajsh, Dorina ishte divorcuar nga Enveri për shkak të disa thashethemeve që motra e tij kishte përhapur për moralin e saj.
Ndërkohë, gjatë kësaj kohe, vajza e tyre ishte fejuar dhe pritet që të martohet së shpejti.
Enveri i kërkoi publikisht ish-bashkëshortes që ta lejonte të ishte pjesë e ditës së saj së shënuar, pasi në fejesë nuk e kishin ftuar.
Fillimisht Dorina nuk pranoi, derisa vajza tha se do donte që të dy prindërit të ishin të pranishëm:
“Unë i dua të gjithë të dashurit e mi atë ditë. Edhe prindërit i dua të jenë të dy të pranishëm.”
Dorina pavarësisht se nuk u ribashkua me Enverin, pranoi që ai të ishte në dasmën e vajzës.
