Gjykata e Krimeve të Rënda vendosi dje masën e sigurisë “Arrest shtëpie” për ish-ministrin e Punëve të Brendshme, Saimir Tahiri, i cili është urdhëruar të mos largohet nga banesa e tij.
A1 Report raporton se mbrëmë në shtëpinë e Tahirit janë parë të hyjnë e të dalin familjarë e të afërm ndërsa sot situata duket e qetë dhe herë pas here patrullon një furgon.
Ish-ministri u shfaq duke pirë cigare e duke shqyrtuar dokumenta me stilolaps në dorë.
Tahiri po hetohet për lidhje me vëllezërit Habilaj që dyshohet se kanë trafikuar drogë nga Shqipëria në Itali.
