Krijimi i një lidhjeje shpirtërore me partnerin/en tuaj është mjaft e rëndësishme. Lidhja shpirtërore ka të bëjë me të qenit i prekshëm, i angazhuar, i vëmendshëm, i hapur ndaj personit tjetër.
Këtu janë disa rekomandime:
Shihni njëri-tjetrin më shpesh në sy.
Një nga gjërat më të trishta që shohim shpesh janë çiftet që nuk kanë me njëri-tjetrin më kontakt me sy. Këto çifte komunikojnë me njëri-tjetrin, shpesh duke bërë biseda të tëra pa i hedhur një sy tjetrit.
Kontakti me sy është jashtëzakonisht intim. Kur i jepni partnerit/es tuaj një shikim, në thelb po i tregoni se jeni i/e interesuar dhe thellësisht i/e angazhuar në atë që po thotë. Kontakti me sy nuk është vetëm një shenjë respekti, por është mënyra më e mirë për t’u lidhur me shpirtin e një personi tjetër.
Gjetja e kohës
Ndonjëherë jemi shumë të zënë. Një nga gjërat që mund të bëni është të caktoni kohë çdo ditë jashtë orarit tuaj të ngjeshur që keni për t’u ulur me partnerin/en tuaj. Ju mund të bisedoni ose të shihni një film së bashku.
Prekja
Prekja është një element jashtëzakonisht i rëndësishëm për krijimin e një lidhjeje shpirtërore. Energjia e shkëmbyer përmes prekjes ndihmon për të krijuar një afrimitet më të thellë me partnerin/en tuaj. Prekja fizike është qetësuese, ngushëlluese dhe shpesh mund të shprehë shumë më tepër se fjalët.
Bëni biseda domethënëse
Dëshironi të ndani një bisedë me partnerin/en tuaj? Ndani gjithçka që keni në mendje dhe gjeni një vend dhe kohë të caktuar për ta bërë këtë gjë.
Qeshni së bashku
E qeshura thellon lidhjen tuaj shpirtërore. Qeshni sa më shumë me partnerin/en tuaj dhe me batutat e njëri tjetrit.
Falni lëndimet e së kaluarës
Mbajtja e inateve nuk do t’ju ndihmojë aspak në marrëdhënien tuaj. Sa më shumë të mbani inatet, aq më të larguar do të ndiheni nga partneri/ja juaj. Nëse keni prirje të mbani mëri, përpiquni t’i lini vetes hapësirë për të hapur zemrën ndaj faljes. Flit hapur me partnerin/en tuaj dhe do të zgjidhni gjithçka përmes komunikimit.
