Në ditët e ftohta të dimrit pjesa më e madhe e njerëzve mendojnë se si të vishen sa më trashë që të mos kenë ftohtë. Po stili ku është? Mund të vishesh me stil dhe të ndihesh rehat dhe ngrohtë.
Ja disa ide të bukura si të visheni plot stil:
1-Golf leshi i zi + xhinse të zeza + çizme të gjata mbi gju.
Veshja tërësisht e zezë do të nxjerrë në pah çizmet dhe pallton që do të vishni. Kjo veshje jo vetëm ju tregon elegante dhe me stil, por do t’ju mbajë ngrohtë nga temperaturat e ulëta.
2-Xhaketë lëkure e zezë + xhinse të zeza + çizme bore të shkurtra.
Sipër xhaketës mund të hidhni një pallto, ndërsa çizmet e shkurtra më mirë zëvendësojini me ato të dëborës në ditët e ftohta dhe me ngrica.
3-Streçe + Golf i gjatë prej leshi me rrip në mes + pelerinë stofi + çizme të shkurtra.
Vendosni një rrip në mes të pulovrës me jakë golf për tu dukur më elegante dhe e bukur si dhe vishni sipër një pelerinë të ngrohtë prej stofi. Kjo është një veshje e ngrohtë dhe shumë praktike e komode.
4-Pulovër me krahë të fryrë + xhinse të ngushta
Kjo është një veshje moderne, ku trendi i 2017 shfaqet në mëngët e fryra të pulovrës prej leshi ose Kashmiri. Kombinojeni atë me një palë xhinse të ngushta dhe sipër vishni një pallto të ngrohtë. Kjo është një veshje shumë moderne dhe e bukur për punë apo takime me rëndësi në dimër.
