SHBA po përballet me imazhe të paprecedenta. Si asnjëherë më parë në historinë e SHBA-së, Kongresi u sulmua ditën e sotme në momentin që ishte mbledhur për të certifikuar votimin e Kolegjit Zgjedhor që i jep dritën jeshile Joe Biden në krye të Shtëpisë së Bardhë.
Situata sa vjen e rëndohet në Capitol Hill.Raportohet se turma e mbështetësve të Trump kanë vërshuar brenda Kongresit të SHBA-së për të ndaluar procesin. Protestuesit pro-Trump raportohet të jetë duke thyer xhamat e dritareve të ndërtesës së Kapitolit.
Ndërkohë, CNN shkruan se zv/presidenti Mike Pence është evakuuar nga ndërtesa ku ndodhej për Sesionin e Përbashkët të Kongresit. Po ashtu, raportohet se votimi për certifikimin e votave elektorale është pezulluar, pasi protestuesit u futën në ndërtesë.
Ndërkohë, pamje të tjera të marra nga brenda ndërtesës tregojnë përplasjen fizike mes protestuesve dhe forcave të policisë. Deri më tani, dihet që një grua është plagosur rëndë me armë zjarri dhe po merr kujdes shëndetësor.
Ndërsa turmat janë duke u përplasur me forcat policore në Kapitol, presidenti Donald Trump u ka bërë sërish thirrje mbështetësve të tij që të ruajnë qetësinë.
Në postimin e tij, Trump u bën apel të gjithëve që ndodhen në ndërtesën e Kapitolit që të ruajnë qetësinë. Po ashtu, ai u kujton mbështetësve se Republikanët janë partia e Ligjit dhe Rendit.
I am asking for everyone at the U.S. Capitol to remain peaceful. No violence! Remember, WE are the Party of Law & Order – respect the Law and our great men and women in Blue. Thank you!
— Donald J. Trump (@realDonaldTrump) January 6, 2021
it dhe Ren
