Një ngjarje e rëndë ka ndodhur në Shkodër. 39-vjeçarja Alma Arrazi është larguar nga banesa bashkë me tre fëmijët e mitur. Një prej fëmijëve, 9-vjeçarja, është gjetur nga një peshkatarë në ujërat e Lumit Drin.
Për ngjarjen tragjike, policia arrestoi 31-vjeçarin, Ergys Arrazin, i cili akuzohet për dhunë në familje, si dhe për shkaktim të vetëvrasjes së vajzës së tij 9-vjeçare.
Mirëpo debatet në çift kishin muaj që kishin nisur dhe praktikisht çifti ishte i ndarë pasi martesa nuk konsumohej më dhe Ergys Arazi kishte nisur një marrëdhënie tjetër.
Sipas familjarëve të Alma Arrazit, kjo e fundit grindej çdo ditë me Ergysin, teksa ai i thoshte të dilte nga shtëpia ku ajo jetonte në një dhomë dhe flinte me fëmijët.
Pas arrestimit të tij, Ergysi është pyetur në polici por dhe kur denoncoi për zhdukjen, ai e ka cilësuar bashkëshorten si “të sëmurë mendore”, dhe sipas tij ajo kurohej me ilaçe depresioni. Por ende nuk është gjetur një kartelë e 39-vjeçares apo mjek që t’i ketë lëshuar recetë për këto medikamente, për të verifikuar atë që Ergysi ka thënë.
