Në një kohë që varianti “Delta” po rrit gjithnjë e më shumë rrezikun për jetën e qytetarëve, duket se kjo nuk është një arsye për ndalimin e tubimeve.
Madje, zyrtarët e vendit tonë i mbështesin këto grumbullime nëpërmjet postimeve të tyre në rrjetet sociale.
Ka qenë ministri i Turizmit, i mbetur për disa ditë në detyrë, Blendi Klosi ai që ka promovuar festivalin në Borsh, i cili ka mbledhur një numër të lartë njerëzish kundër ligjit për parandalimin e Covid-19.
“South Outdoor Festival, kthen Borshin në skenën gjigande të festës✅. Për tre ditë rradhazi, aktivitete në natyrë? e në ujë, për të gjitha grupmoshat, ku çdo i apasionuar pas sporteve pati mundësinë të gjejë argëtimin dhe rekreacionin. South Outdoor, një festival turistik, që ngjiti në skenë këngëtarë shqiptarë që dinë të mbajnë peshë të rinjtë e jo vetëm, sikur riktheu në Shqipëri për nostalgjinë e të gjithëve një grup aq të dashur si NANA. Giz Albania?, një partner i pazëvendësueshëm që përpos të tjerave, kontribuon edhe në krijimin e konsolidimin e produkteve turistike si festivalet, duke e shndërruar South OutDoor në një markë të qëndrueshme turistike! ?GIZ #SRD #smilealbania???”, ka shkruar Blendi krahas pamjeve.
Siç shihet nga pamjet, numri i pjesëmarrësve në këtë event të zhvilluar është mjaft i lartë në një kohë që nuk lejohen grumbullime me më shumë se 50 persona në ambientet e jashtme.
“Lejimi i konferencave, eventeve, trajnimeve, seminareve, takimeve etj… në rast të përmbushjes së kritereve për hapësirat rekomandohet të zhvillohen:
Zhvillimi i konferencave / eventeve aty ku është e mundur në sallat që mund të lejojnë distancimin fizik ose të zhvillohen në ambjente të hapur deri në 50 persona.
Rekomandohet që ulja e pjesmarresve të jete e tillë që të respektojë masat e aprovuar nga MSHMS”, thuhet në protokollin e IShP-së.
A mos vallë ky festival ka më shumë rëndësi se jeta e vetë qytetarëve?!
