Një këngë për Shqipërinë në Kampionatin e saj të parë Evropian! DJ zyrtar i Evropianit Franca 2016, David Guetta dhe Zara Larsson i kushtojnë këngën e tyre zyrtare Shqipërisë, por me një videoklip komplet ndryshe nga ai që kemi parë deri më tani.
“This One’s For You Albania” është kënga me videoklip që Guetta e publikoi me këngëtaren, vetëm për tifozët shqiptarë dhe lojtarët e Kombëtares kuqezi.
Një dedikim ky për skuadrën që përjetoi për herë të parë në historinë e saj emocionet e Kampionatit Evropian.
Fitoret e Kombëtares me skuadrat e tjera në rrugëtimin e saj gjatë këtij Kampionati pasqyrohen në këtë video, festime, brohoritje, emocione. Lojtarët e Shqipërisë, trajneri Gianni de Biasi, të gjithë shfaqen në momentet e tyre më të mira. Një video për triumfin e vendit të shqiponjave!
Shqipëria pati fitoren e parë dje me përballjen e tretë kundër Rumanisë, e cila përfundoi 1:0. Në këtë mënyrë ajo ruan gjasat për kualifikim në raundin tjetër të Euro 2016.
Këtë vit Evropiani i ka kushtuar nga një videoklip 24 skuadrave që merrnin pjesë. Kliko këtu për videot.
