Pak javë më parë qeveria mori vendimin për mbylljen e pikave të basteve në vend brenda datës 31 dhjetor të këtij viti.
Nga të dhënat zyrtare të Qëndrës Kombëtare të Biznesit deri më datën 23 dhjetor në të gjithë vendin janë mbyllur 5220 pika bastesh sportive ndërsa 331 pritet të mbyllen.
Teksa duket se ky proces tani është drejt përfundimit, kryeministri Edi Rama ka vendosur të publikojë në Facebook foto të një ish-llotoje që po shkatërrohet përfundimisht.
“Lamtumirë” – shkruan Rama duke i dhënë një herë e përgjithmonë lamtumirën pikave të basteve në vend.
Pas këtij procesi qeveria gjithashtu ka deklaruar se do të kryejë një program rikualifikimi për ata që do të mbeten të papunë.
