Marrëdhënia mes Danjës dhe Eglit ka pësuar një krisje të dukshme në dy ditët e fundit, duke sjellë debate të ashpra mes tyre. Dy banoret, që dikur ishin shoqe të ngushta, janë kthyer në rivale të hapura brenda shtëpisë së Big Brother VIP Albania 4.
Gjatë Prime-it të fundit, situata mes tyre u bë edhe më e tensionuar, me akuza dhe kundërakuza për manipulim dhe ndikim te banorët e tjerë.
Danja e akuzoi Eglin për ekzagjerime dhe manipulime, ndërsa pretendoi se nuk ka tentuar të ndikojë te grupet brenda shtëpisë. Nga ana tjetër, Egli u shpreh se Danja i kishte kërkuar të ndikonte te “kolltuku i kuq”, duke aluduar për një strategji të fshehtë.
Përplasja mes tyre ka ndikuar edhe tek raportet me banorët e tjerë, ndërsa tensionet vazhdojnë të rriten me afrimin e finales. Rrjedha e kësaj “armiqësie” mbetet për t’u parë në ditët në vijim.
Danja: Prime-n e shkuar, unë i kërkova një fjali të caktuar që më është kërkuar në një moment të caktuar, jo në lidhje me raportin tim me Eglin. Nuk ke pse e merr për ulje fare, ajo është një fjali që nuk ka nevojë të të bëjë ty të ndihesh keq. Të them të drejtën, për mua ti je problemi më i vogël. Unë i kam jashtë ata njerëzit që janë aty për shoqërinë. Unë ty nuk të kam bërë dëm, përveç faktit që të kam qëndruar afër. ‘Hë moj Danja’ mos më bëj mua, sepse kemi qëndruar bashkë dhe unë nuk i kam përmendur disa gjëra që dija për lidhjen tënde me Gjestin. Të kërkova diçka për mua që të më ndihmoje mua. Mos e merr për ofendim dhe ulje. Nuk e bëre, s’ka problem.
Egli: Në fakt, çdo gjë nisi në Prime-n e kaluar, që Danja më kërkoi që unë të bindja kolltukun e kuq që Danja rri me mua.
Danja: Këta nuk i kam bindur unë, e jo më ti. Unë të kërkova thjesht ta thuash. Mos manipulo shumë.
Egli: Më lër mua të manipuloj.
Danja: Ti i ekzagjeron gjërat.
Egli: Mu kërkua që të thoja kundrejt kolltukut të kuq, se Danja rri me mua se kam kërkuar unë që të rrijë. Nuk e di përse më kërkoi që në atë moment atë gjë. Një moment po mendoja nëse e kam thënë vërtet atë gjë. Pastaj mendova se Danjës mund t’ia kem thënë një gjë të tillë. Unë nuk kam nevojë për shoqe, por fakti që ia kam thënë Danjës atë gjë, është se ka tiparet e një shoqeje timen. Fakti që u nxeha është sepse ishte Rozana që e solli si fjalë.
