Covid-19 po përparon ndjeshëm në vendin tonë dhe çdo ditë vendosen rekorde infektimesh. Teksa pritet përditësimi i të dhënave edhe për ditën e sotme, nga nisja e epidemisë e deri tani janë infektuar 29,837 persona.
Ndonëse fëmijët janë konsideruar imunë ndaj virusit, vlen të theksohet fakti se raste të ndryshme kanë treguar të kundërtën.
Së fundmi, Dosja.al raporton se në pediatrinë e Tiranës ndodhen të shtruar 10 fëmijë të cilët janë të prekur nga Covid-19.
Njëri prej tyre është në gjendje më të rëndë pasi ndodhet në reanimacion dhe është vetëm 16 muajsh.
Vetë ministria e Shëndetësisë nuk ka dhënë informacione rreth kësaj teme, andaj nuk mund të flasim me të dhëna zyrtare.
Kujtojmë se viktima më e re nga Covid-19 në vendin tonë ishte një 21-vjeçar nga Elbasani, i cili kishte edhe sëmundje bashkëshoqëruese.
I ndjeri ndërroi jetë pak javë më parë në spitalin “Shefqet Ndroqi”, ku ishte edhe në intubim. (KLIKO)
