Ekipet kombëtare të Shqipërisë dhe Bjellorusisë nuk do të jenë në gjendje të marrin pjesë në ndeshjet e nëntorit të Kualifikueseve të FIBA-s për EuroBasket 2021.
FIBA e Europës u informua nga Federatat Kombëtare përkatëse për ndërprerjet kritike të lidhura me COVID-19 në përgatitjet e tyre, të cilat do të parandalojnë ekipet të udhëtojnë dhe të marrin pjesë në turneun e Kualifikueseve në Stamboll, Turqi.
Si rezultat, nga FIBA e Evropës janë marrë vendimet e mëposhtme:
Lojërat Turqi- Shqipëri dhe Shqipëri- Lituani nuk do të luhen siç është planifikuar dhe statusi i atyre lojërave do të vendoset nga organet përkatëse disiplinore në një fazë të mëvonshme. Ndeshja Bjellorusi – Poloni, po ashtu, nuk do të luhet siç është planifikuar. Statusi i kësaj loje do të vendoset nga organet përkatëse disiplinore në një fazë të mëvonshme.
Një nga gjashtë vendet e miratuara për zhvillimin e Kualifikueseve të ardhshme, Stambolli po pret turnetë në stadiume të mbyllura, pa tifozë, për Grupet E dhe F, në të cilat Shqipëria dhe Bjellorusia ishin vendosur të merrnin pjesë.
Lojërat e tjera në Stamboll nuk ndikohen dhe do të zhvillohen siç është planifikuar, njofton FIBA.
