Dëshira e këngëtares për zvogëlimin e gjoksit kishte kohë që përflitej! Çiljeta Xhilaga qëndroi transparente me fansat deri në fund të këtij procesi ndodhur javë më parë.
Gjatë një interviste së fundmi për emisionin në Kosovë, këngëtarja u shpreh se ndihet shumë mirë me këtë ndryshim, i cili nuk ka ndikuar te fansat.
Ajo gjithashtu zbuloi se ka kryer një rregullim të vogël në hundë, të cilin nuk mund ta quajë plotësisht operacion estetik.
Sipas saj, duke qenë se është një person që kërkon perfeksionin, i është dashur të bëjë një ngushtim të hundës për ta bërë të duket më e vogël. Ky ngushtim në të dyja pjesët anësore të hundës, nuk ka patur nevojë për një ndërhyrje të mirëfilltë.
“Ka qenë diçka gjysmë ore, një ngushtim hunde 1 milimetër nga një anë dhe 1 milimetër nga ana tjetër. Nuk do ta quaja një operacion se sa një korrigjim estetik shumë i vogël”, u shpreh ajo. Në këtë mënyrë ajo nuk pranoi asnjë ndërhyrje tjetër të mundshme në buzë apo ën fytyrë.
Gjatë intervistës u dallua se këngëtarja kishte vendosur tela dhëmbësh për të patur një buzëqeshje perfekte. Më pas Çiljeta u pyet për lidhjen e shumëpërfolur me futbollistin Alban Hoxha, përgjigjja e së cilës ishte: “Nuk flas”. Të vërtetën do ta tregojë vetëm koha!
