Deri më tani, shumica prej nesh e dimë lidhjen mes stresit dhe ngrënies. Në kohëra të vështira, shumica prej nesh hamë biskota.
Journal of Applied Psychology ka publikuar një studim i cili thotë se armiku më i keq i dietës tuaj përveç stresit është vesi juaj per të pare TV gjatë gjithë natës. Në dy studime të më shumë se 200 punonjësve në Kinë, studiuesit zbuluan se dallimi i vërtetë në dieta më të shëndetshme është gjumi.
“Ne zbuluam se punonjësit të cilët kanë një ditë pune stresuese kanë tendenca të sjellin ndjenjat e tyre negative në vendin e punës dhe në tavolinën e ngrënies duke ngrënë më shumë se zakonisht dhe duke ngrënë më shumë ushqim të shpejtë se sa ushqim të shëndetshëm”, tha bashkë-autorja e studimit Chu-Hsiang “Daisy” Chang, profesoreshë e psikologjisë në MSU.
“Mirëpo, një tjetër studim zbuloi se si gjumi ndihmonte njerëzit të përballen me ngrënien e tyre stresuese pas punës”, vazhdoi ajo. “Kur punonjësit fjetën më mirë një natë përpara, ata kishin tendenca të hanin më mirë kur përjetonin stres ditën tjetër”.
Në dy studimet e punonjësve në pozita të stresit të lartë, studiuesit zbuluan se kur punonjësit janë në humor të keq, ata hanë për ta kompensuar atë.
“Gjumi i mirë gjatë natës mund t’i bëjë punonjësit të ndihen energjikë përsëri, e cila iu jep mundësi atyre të përballen me stresin në punë ditën tjetër dhe më pak të prekshëm ndaj ngrënies së pa shëndetshme”, shpjegoi Chang.
Pra a është gjumi më i mirë se sa një kuti me petulla për ngritjen e humorit? Po.
