Çifti i infektuar me Koronavirus në Roskovec kthen fshatin në karantinë: “Të gjithë banorët të vetëizolohen!”

Një çift rezultoi pozitiv me Koronavirus në Mbërs të Roskovecit pas një vizite në Itali. Sot Bashkia e Roskovecit u bën thirrje urgjente banorëve të fshatit të vetëkarantinohen.

Nisur nga çfarë shkruhet në njoftimin e bashkisë, burri dhe gruaja kanë patur histori udhëtimi me Italinë, si dhe pas kthimit, kontakte të ngushta në fshat me banorë të ndryshëm.

???Njoftim i rëndësishëm!
Në vijim të masave të ndërmarra për parandalimin e virusit COVID-19 dhe në bashkëpunim të ngushtë me Q Sh të Bashkisë Roskovec ,
ju njoftojmë se kanë rezultuar pozitiv me Koronavirus #COVID19, dy banorë të fshatit Mbërs, Njësia Administrative Kurjan.
Çifti i bashkëshortëve G & S Misiraj, i janë nënshtruar testimit për COVID-19 dhe kanë rezultuar pozitiv.

Kjo familje ka pasur histori udhëtimi në Itali.
???Bashkia Roskovec i bën thirrje URGJENTE të gjithë banorëve të fshatit Mbërs të vetë- izolohen, duke qenë se familja Misiraj ka pasur kontakte të ngushta me banorët e fshatit.
Kërkojmë bashkëpunimin e të gjithëve për të kuptuar rëndësinë e kësaj situate dhe respektimin e rregullave bazë:
�qëndrimin në shtëpi dhe higjienë maksimale personale për veten dhe të tjerët.
❗❗Kjo është një “luftë” që na përket të gjithëve, kujdesuni për veten dhe miqtë tuaj pasi kështu do të mund të mbrohemi të gjithë.
Urojmë shërim sa më të shpejtë çiftit Misiraj.
Zoti qoftë me ne ! ?
#JoPanik #Kujdes #qendroninështëpi #Vetëizolohu