E hëna është gjithnjë e lodhshme dhe fakti që të duhet të zgjedhësh edhe veshjen për të shkuar në punë, e bën akoma edhe me stresuese situatën.
Për t’ju ndihmuar sado pak për të vendosur se çfarë do të vishni ditën e nesërme, “iconstyle.al” sjell disa këshilla nga moderatoret shqiptare.
Sigurisht që puna e tyre në televizion dhe ekran mund të mos ketë lidhje me punën tuaj, ndaj ne kemi zgjedhur look-un e tyre jashtë kamerave, pra si vishen moderatoret gjatë provave, kur nuk ju duhet të dalin në publik.
Një fustan seksi pas trupit me dizajn lulesh si Luana Vjollca, nuk është një ide e keqe për ta nisur ditën me pozitivitet.
Arbana Osmani ka një look mjaft casual në përditshmëri, por këtë herë një fustan oversize dhe një palë çizme me qafë janë këshilla e saj më e mirë.
Bora Zemani ka zgjedhur takat, xhinse të zeza dhe një bluzë të zezë në fillimet e saj në emisionin “E diela shqiptare”. Sa u përket takave, nuk është asnjëherë shpejt për ti veshur, mjafton që të ndiheni mirë.
Fatma Methasani ka një look mjaft sportiv dhe të rehatshëm për ato femra që thjesht nuk i veshin dot takat të hënave. Një këmishë me lule, fund të zi dhe atlete Converse janë perfekte për ditën e lodhshme të së hënës.
Alketa Vejsiu është mjaft praktike në provat e spektaklit “Dance with me”. Xhinse të grisura, një bluzë e bardhë dhe atlete, janë zgjedhja e saj ideale.
Orinda Huta na këshillon atletet, një bluzë të bardhë dhe një fund të lirshëm. (nuk është e thënë të jetë kaq seksi)
