Pas Gjermanisë dhe Belgjikës, edhe Anglia është përfshirë nga një valë e madhe përmbytjesh.
Në kryeqytetin anglez, rrugët, metrotë dhe ambiente të tjera të kryeqytetit kanë rënë pre e fuqisë së ujit dhe i janë dorëzuar totalisht.
Ekspertët paralajmërojnë se disa biznese rrezikojnë të përmbyten, ndërsa autoritetet u bëjnë apel qytetarëve që të qëndrojnë në shtëpi.
Vetë qytetarët janë shprehur se nuk kanë parë ndonjëherë një përmbytje të tillë në Londër dhekjo është një ngjarje e pazakontë për kryeqytetin anglez.
“Nuk kam parë kurrë një përmbytje të tillë. E pabesueshme, të gjitha gjërat janë zhytur në ujë. Nuk kam parë asnjëherë një nivel të tillë përmbytjesh në Londër”, tha një qytetar.
Ndërkohë një numër i madh viktimash janë shënuar nga ajo që konsiderohet përmbytja e shekullit në Gjermani.
Tashmë që uji ka filluar të tërhiqet po shikohen dëmet reale të kësaj katastrofe, ndërkohë që ekipet e emergjencave vazhdojnë kërkimet për gjetjen e personave të zhdukur.
Liderët europianë fajësojnë ndryshimet klimatike për këtë katastrofë. Shirat e rrëmbyeshëm kanë prekur edhe Zvicrën, Luksenburgun dhe Holandën. Ekspertët e mjedisit shprehen se ngrohja globale bën që shirat të bien në sasi më të larta.
Toka është pothuajse 1.2 gradë Celsius më e ngrohë që nga koha e zhvillimit industrial.
