Reperi Capital T feston sot ditëlindjen e tij të 27-të. Ndoshta ju duket e pabesueshme, por ai ka lindur në vitin 29 shkurt 1991, dhe për çudi duhet ta festojë ditëlindjen një ditë para ose një ditë pas kësaj date, duke qenë se data 29 shkurt vjen vetëm një herë në 4 vjet.
Me rastin e kësaj dite të rëndësishme për të, Kapo ka pranuar shumë urime nga familjarë, miq e fansa. Daja i tij 2po2 ishte i pari që nëpërmjet një fotografie ka uruar Capitalin.
Kjo ditë e veçantë e ka gjetur në punë reperin. Të paktën fotografia e publikuar pas mesnate e thotë një gjë të tillë pasi Kapo shihet me reperin Majk, me të cilin së shpejti do të publikojë një projekt muzikor.
Ata janë shumë të suksesshëm me projekte solo dhe bashkëpunime të tjera ndërsa fansat mezi po presin që kënga e tyre e përbashkët të publikohet.
