Butrinti është një prej vendeve që vizitohet nga shumë individë gjatë sezonit turistik të verës, sidomos prej turistëve. Butrintin Antik tani në pikun e sezonit e vizitojnë rreth 900 turistë të huaj dhe vendas në ditë.
Mirëpo gjatë ditës së sotme është regjistruar një ngjarje e rëndë ku një turiste është gjendur e pajetë si pasojë e një arresti kardiak. Yvone Boer 70-vjeç nga Holanda ishte me një grup turistësh holandeze paraditen e sotme për vizitë në Butrintin Antik.
Kur kanë shkuar lart në Kala atje nuk është ndjerë mirë.
Menjëherë është njoftuar ambulanca ku fillimisht për shpejtësi është dërguar në ambulancën e Ksamilit në urgjencën në Sarandë. Sipas bluzave të bardha 70-vjeçarja e huaj dyshohet të ketë bërë arrest kardiak, dhe për pasojë ka humbur jetën.
Trupi i pajetë do të transportohet për në Tiranë në mjekësinë ligjore.
