Dyshja që nuk e kishim menduar më parë për bashkëpunime, mesa duket ka zgjedhur të na surprizojë.
Këngëtari shumë i dashur për publikun Butrint Imeri dhe këngëtarja Era Istrefi, janë bërë bashkë për herë të parë, për një projekt të ri muzikor.
Kënga titullohet “Lonely”, dhe është publikuar ditën e sotme.
Një këngë dashurie, ku dy të rinj janë ndarë dhe po kërkojnë një fajtor. Kujt ja dedikojnë vallë këto fjalë Butrinti dhe Era?
Kënga e fundit e këngëtarit është “Moj Dashni”, e shkruar nga vetë ai. Era Istrefi ka publikuar për herë të fundit këngën “Ta Du”.
Këngëtarja ka bashkëpunuar me mikun e ngushtë të Butrintit, Don Xhonin vitin e kaluar, ku kanë sjellë këngën “ Hala”.
