Breshëri armësh pas sherrit në mes të ditës, dy të vdekur në Vlorë

Një ngjarje e rëndë ndodhi rreth orës 12:45 në zonën e Ujit të Ftohtë në Vlorë ku dy persona humbën jetën nga të shtënat me armë zjarri.

Dyshohet se viktimat janë Aurest Rexho dhe Arjan Hasani, ndërsa i plagosur ka mbetur shtetasi Armando Sulejmani.

Lexo edhe :

Ishte vetëm 23 vjeç kur një ndeshje i ndryshoi jetën përgjithmonë/ Shuhet Prichard Colón, boksieri që kaloi 221 ditë në koma

22:27 13/08/26

Kur të vjedh njeriu që i besoje më shumë: A mund të shpëtojë një miqësi pas një tradhtie të tillë?

14:28 13/08/26

Mësohet se ngjarja ka ndodhur pas një sherri të momentit, ndërsa raportohej se njëra nga viktimat ndodhej në makinë dhe viktima tjetër ndodhej në tokë.

Nuk përjashtohet mundësia që ngjarja e ndodhur të ketë qenë atentat.

Autorët janë larguar menjëherë nga vendngjarja me makinë, por vetëm pak minuta pas të shtënave, policia ka gjetur një automjet të djegur në Babicë, i cili dyshohet të jetë përdorur nga autorët.

Njoftimi i policisë:

Pak minuta më parë në lagjen “Ujë i Ftohtë”, Vlorë, kanë mbetur të vrarë dyshohet me armë zjarri 2 shtetas dhe 1 tjetër u plagos, në rrethana ende të paqarta. Një grup i posaçëm hetimor u ngrit menjëherë dhe po punon për sqarimin e rrethanave dhe identifikimin e ndalimin e personave të implikuar në ngjarje. Për shkak të hetimeve nuk mund të bëhen të ditura detaje të tjera.