Rezidenca e Alexander McQueen ka dalë në shitje për 8.5 milionë paundë, pas riparimit të plotë.
Në 2009-n, dizajnuesi bleu hapësirën luksoze, që më pas u nda në disa apartamente për 2.5 milionë paundë, me synimin për të transformuar atë në një shtëpi të vetme për veten e tij. Ai mori me qira një banesë aty pranë, ndërsa mbikëqyrte riparimet, por u nda nga jeta në vitin 2010.
Ndërtesa është ringritur që atëherë në nder të McQueen, kompletuar me një pasarelë me pasqyra dhe fotografi të momenteve të tij të famshëm të modës.
Shtëpia luksoze përfshin një tarracë, pamjen e Mayfair, tualete mermeri, zonën e ngrënies dhe dy dhoma fjetje VIP. Ka disa elementë nga motivet me kafka për të cilat ishte i njohur dizajnuesi.
Prona është ndërtuar fillimisht në 1897-n dhe më pas u kthye në shtëpinë e Lartësisë së tij Alexander Mountbatten, nipi i Mbretëreshës Viktoria dhe i afërt i Louis dhe Philip Mountbatten. Në vitin 1945, ajo u shndërrua në banesë.
Burimi: Harper’s Bazaar
