E besoni dot që nesër do të jetë vjeshtë zyrtarisht? Temperaturat e ngrohta që kanë përfshirë vendin na kanë bërë të harrojmë se shumë shpejt do të na duhet të ndërrojmë gardërobën, dhe të nisim të zgjedhim ata aksesorë apo veshje që do të jenë trendi i këtij sezoni.
Nëse jeni vërtet të interesuar për modën dhe dëshironi të ndiqni trendet më të fundit, “iconstyle.al” ju vjen në ndihmë me një rubrikë të veçantë me këshilla që blogeret më të njohura shqiptare do të japin për lexuesit tanë. Vajzat e famshme të Instagramit do të na tregojnë trendet e vjeshtës duke sugjeruar 3 aksesorët apo veshjet “must” dhe si mund t’i kombinojmë ato.
Në rubrikën e kësaj jave do të sjellim këshillat e blogeres shqiptare, Sarah Berisha, e cila tregoi për ne 3 veshjet apo aksesorët e saj të preferuar për stinën e vjeshtës dhe si t’i kombinoni që të merrni komplimente pa fund.
1.Fustani i gjatë “animal print”
Fustan i gjatë me printe të lëkurës së kafshëve është i preferuari i fashionistas Sarah.
Ajo veçon atë me print të lëkurës së gjarprit që është “must have” këtë sezon vjeshte dhe mund të kombinohet mjaft mirë me një pale çizme lëkure.
2.Çanta e tejdukshme
Çantat e belit janë rikthyer sërish në modë.
I pamë në versionin e lëkurës dhe atë shumëngjyrësh në sezonin pranverë/verë por këtë sezon por Sarah zgjedh një tjetër model, atë plastike transparente.
Kjo çantë e tejdukshme e bën veshjen të duket ndryshe dhe më e veçantë, por kujdes çfarë mbani brenda!
3.Shalli “animal print”
Shalli me dizajn të lëkurës së kafshëve, pra “animal print” është aksesori perfekt për t’u kombinuar me veshje në ngjyrë të ndezur si e kuqja ose e arta kaq në modë këtë vjeshtë.
Ky shall e freskon dhe e plotëson look-un e përditshmërisë sonë.
Burimi: Iconstyle.al
