Nëse ka një vend në ditët e sotme, që na tregon gjithçka është “Instagram”-i! Nga argëtimi me shfletimin e fotove gjatë kafes së mëngjesit, gjejmë trendet e pozave dhe veshjeve, frymëzohemi për ide të reja mobilimi apo recetat e gatimit dhe deri te blerja.
Sot e keni më të lehtë të pëlqeni një veshje te rrjeti social dhe më pas ta porosisni aty për aty. Mund të ulemi për të ngrënë darkë ndërsa shfletojmë markat tona të preferuara, të shuajmë dëshirën tonë të blerjes natën nga komoditeti i krevatit.
Deri këtu çdo gjë është perfekte apo jo?
Po ka diçka, ti dëshiron të pyesësh dyqanin që e ka publikuar foton e veshjes për çmimin apo materialin. Normalisht, askush nuk do të jetë i gatshëm t’ju përgjigjet kur ora shënon 23:29.
Ndaj “Instagram” vendosi të shkojë një hap më tej dhe të thyejë kufijtë, mes tij si rrjet social dhe si dyqan online duke krijuar “InstaShop”. Duke marrë rolin e një shitësi virtual mund t’i bëni të gjitha veprimet vet, brenda disa minutave.
Ky aplikacion kërkon që t’ju japë gjithçka që dëshironi, në aspektin e veshjeve dhe aksesorëve, madje dhe shërbimeve, pa ju detyruar që të largoheni nga faqja.
“InstaShop” u ofron klientëve një ndjenjë lehtësie: ata mund të shohin dhe të blejnë disa gjëra nga marka të ndryshe brenda një faqeje.
Mënyra si funksionon?
Jo të gjitha faqet e markave ose kompanive që ofrojnë veshje e opsionin e “Instashop”-it, por ato më cilësoret dhe më transparentet janë siguruar për ta krijuar.
Ndërsa hyni në profilin e dyqanit online, mund të gjeni lehtësisht linkun e adresës për të kaluar në “InstaShop” si në rastin e “CHIC RÈGIME”.
Më pas do t’ju paraqiten të gjitha postimet me veshjet dhe aksesorët, të cilëve u janë bashkangjitur produktet përkatëse.
Vetëm një klikim te një prej postimeve mjafton që të lexoni markën e bluzës ose orës, për të vijuar më pas te faqja zyrtare e dyqanit online, ku mund të mësoni të gjitha të dhënat për produktin: çmimin, materialin apo përmasat.
Nuk është e nevojshme të ndiheni në “siklet” për të pyetur për secilën nga gjërat që dëshironi në orët e vona të natës apo gjatë ditës.
Burimi: Iconstyle.al
