Ja që ndodh që këngëtaret e huaja të kopjojnë ato shqiptaret. Pretendimi kësaj herë vjen nga 37-vjeçarja Bleona Qereti, e cila akuzon këngëtaren Nicki Minaj se i ka kopjuar veshjen.
Për ta faktuar këtë, Bleona publikoi fotografinë e saj dhe të Nicki-t, ku të dyja shfaqen me një fustan të zi, me prerje anash, detaj i cili e bën me sensual.
Në fakt ne e kemi parë këngëtaren shqiptare me këtë fustan një vit më parë, kur u ftua të merrte pjesë në “Summer Fest”, skena e të cilit lëvizte në disa qytete të vendit.
Por si një kujtim i ëmbël për këngëtaren, Bleona e solli sërish në vëmendje këtë event dhe paraqitjen e saj para 7 javësh, duke publikuar një fotografi në “Instagram”-in e saj.
Ndërkohë që këngëtarja amerikane u shfaq me të njëjtin fustan para gjashtë ditësh, për posterin e koncertit të saj në Angola. “Njësoj, njësoj”, ka shkruar Bleona si përshkrim të fotos.
Ndoshta kjo e fundit është frymëzuar nga Bleona, ose mund të jetë thjesht një rastësi.
