Mëngjesin e djeshëm, Beyonce prezantoi koleksionin e shumëpritur atletik me Topshop, Philip Green. Koleksioni i quajtur Ivy Park, koleksioni i veshjeve sportive dhe të rrugës do të shitet në Topshop, Nordstrom dhe Net-a-Porter.
Në një video prezantuese, Beyonce flet për lidhjen e saj me ushtrimet në nivelin fizik dhe mendor. “Unë do të zgjohesha në mëngjes dhe babai im do t’i binte derës dhe thoshte se është koha për të vrapuar. Unë kujtoj se doja të ndaloja , por shtyja veten të vazhdoja”, thotë në video këngëtarja, ndërsa imazhet tregojnë atë duke vrapuar, kërcyer dhe duke mbajtur vajzën e saj Blue Ivy në shpinë.
“Ka disa gjëra për të cilat jam akoma e frikësuar. Kur dua t’i mposht ato gjëra, unë sërish shkoj pas në park. Para se të iki në skenë shkoj në park. Kur ishte koha që të lindja, shkova në park. Parku u kthye në një gjendje të mendjes. Parku u kthye në forcën time. Parku është ai që më bëri atë që jam”, thotë Beyonce.
Burimi: Harper’s Bazaar
