Ish-finalistja e Big Brother VIP Albania 1, Beniada Nishani, ka folur për herë të parë për mosmarrëveshjet me pagat në RTSH gjatë një interviste në emisionin “Goca dhe Gra”. Ajo tregoi se ka përjetuar vështirësi financiare dhe ka vendosur të ndjekë çështjen ligjërisht.
“Përpara një mosmarrëveshjeje ose një padrejtësie, unë preferoj t’i lë gjërat në duar të ligjit”, tha Nishani, duke shpjeguar se nuk kishte folur më parë publikisht për situatën. Ajo shtoi se ka pasur disa probleme me pagat dhe se disa pagesa kanë ardhur, ndërsa të tjera po i presin ende.
Beniada theksoi se disa moderatorë kanë zgjedhur të flasin publikisht për çështje të ngjashme, por ajo vetë ka preferuar të mos komentojë ndërkohë që ishte në punë. “Asokohe isha në punë dhe thashë një kontratë dhe s’ka nevojë të flas për një situatë që nuk e di çfarë po ndodh dhe çfarë do të ndodhë”, u shpreh ajo.
Sipas Beniada Nishanit, avokati i saj po ndjek çështjen dhe situata e pagave ka qëndruar e paqartë për rreth 5-6 muaj. Ajo theksoi se beson te drejtësia dhe se çdo gjë do të zgjidhet përmes rrugës ligjore.
Kjo është hera e parë që Beniada flet hapur për këtë çështje.
