Shpesh takimet e para janë të sikletshme ku ka raste që mund të bëni edhe disa gjëra të çuditshme. Por gjithmonë duhet të përpiqeni që të jeni vetvetja.
Edhe pse nuk duhet të kesh komplekse, më poshtë gjeni një listë të gjërave që mund të ‘shkatërrojnë’ takimin tuaj të parë.
Së pari, nëse keni dalë për darkë në takimin tuaj të parë, duhet të përpiqeni që të flisni dhe jo vetëm të hani. Me pak fjalë, nuk duhet t’i futesh ushqimit me kokë.
Së dyti, përpiquni mos të flisni për tema si politika apo feja, pasi debate të shumta mund të lindin mes jush dhe personit që keni dalë në takimin e parë.
Nga ana tjetër, bëni kujdes me pijen. Përpiquni të mos pini shumë sikur keni dalë në një “night club”.
Mos flisni pa pushim! Personit përballë mund t’i dukeni person i besdisshëm dhe i lodhshëm.
Ju dëshironi të lini përshtypje të mirë por nganjëherë e folura shumë mund ta lodhë personin tjetër.
Bëni kujdes me vetëbesimin! Ndonjëherë vetëbesimi shumë i tepërt mund ta vendosë në siklet personin përballë. Përpiquni të jeni sa më sportiv dhe pozitiv në gjërat që thoni.
Së fundmi, mos u përpiqni të “vidhni” puthje që në takimin e parë. Ndoshta personi përballë nuk do që t’ju puthë.
Ndoshta pas këtij veprimi, personi tjetër nuk do të dojë të dalë më në takim me ty.
