Ditët e fundit moti ka qenë me kthjellime dhe rezet e diellit kanë qenë prezente në pjesën më të madhe të vendit.
Temperaturat kanë qenë të larta dhe në ditët e fundit të janarit kaluam një mini-pranverë.
Megjithatë, nëse mendoni se dimri ka ikur, e keni gabim!
Muaji shkurt pritet të sjellë një ulje të ndjeshme të temperaturave me disa gradë nën minus në pothuajse të gjithë Europën.
I ftohti prek edhe Ballkanin, i cili do të kalojë ditët më të ftohta mes datave 5-13 shkurt.
Sipas sinoptikanëve, vorbulla e të ftohtit polar që është krijuar në veri është e detyruar të lëviz si pasojë e rrymave të ajri dhe ajo konkretisht po shpërthen në tre segmente.
Në vendin tonë, e enjta dhe e premtja do të jenë ditët më të ftohta, ku në kryeqytet temperaturat do të arrijnë në -2 gradë celsius. Përgjatë këtyre ditëve nuk do të mungojnë dhe reshjet e shiut e të dëborës.
