Pasi u rikthye nga bionde në brune, këngëtarja Çiljeta Xhilaga ka befasuar sërish me modelin e saj të flokëve.
Në foton e publikuar nga vetë ajo në “Instagram”, Çiljeta i ka prerë flokët shkurt, model kapelon ose “tas”, siç thotë këngëtarja.
“E dashuroj modelin tim të ri të flokëve. Bëj ç’bëj po ke floku i shkurtër përfundoj, këtë herë model kapelon ose tas si i kemi pas thënë dikur. Nga duart e mamit tim”, shkruan ajo.
Ndryshimi i look-ut nuk është një gjë e re për Çiljetën e cila preferon gjithmonë të eksperimentojë me flokët e saj. Por këtë herë Çiljeta ka preferuar të kthehet te floku i shkurtër dhe me një detaj shumë të veçantë që bie në sy, një zemër në pjesën e pasme të kokës. Për kë ta ketë vallë?
