Bebe Rexha dhe Dove kanë nisur fushatën globale #ShareTheFirst, që synon të thyejë presionin për “perfeksionin” në rrjetet sociale. Iniciativa inkurajon gratë të ndajnë “fotografinë e parë të vërtetë”, pa filtra apo ripërpunime.
Sipas një studimi, 8 në 10 gra në SHBA bëjnë deri në 50 foto për të gjetur atë “të duhurën”, ndërsa pothuajse gjysma kalojnë mbi 10 minuta duke vendosur nëse do ta postojnë apo jo. Rexha thekson rëndësinë e autenticitetit, duke u bërë thirrje grave të festojnë bukurinë e tyre natyrale dhe momentet e sinqerta.
