Aktorja turke Fahriye Evcen e cila aktualisht është në muajin e shtatë të shtatzënisë, për shkak të disa komplikacioneve shëndetësore është shtruar në spital.
Mediat turke raportojnë se gjendja e bashkëshortes së aktorit Burak Ozçivit, është stabilizuar dhe po mbahet nën kontroll nga mjekët.
“Hurriyet”, shkruan se Fahriye është shtruar ditën e djeshme në një spital në Stamboll, pasi është prekur nga gripi dhe virozat e stinës.
Ndërkohë, pranë vetes ka bashkëshortin Burak Ozçivit, i cili ka deklaruar për mediat se derisa fëmija të vijë në jetë, ai nuk do të marrë pjesë në projekte të reja.
Çifti kanë kurorëzuar dashurinë e tyre në martesë në korrik të vitit 2017.
