Një shqiptar i cili jeton në Kanada, është solidarizuar me tragjedinë e tërmetit në Shqipëri dhe ka dërguar në vendlindjen e tij, Mamurras, një autoambulancë në ndihmë të banorëve.
Për “tvklan.al”, Ramiz Vokshi shprehet se është ndjerë thellësisht i prekur nga kjo tragjedi, ndërsa tre vite më parë në një aksident të rëndë në Kanada, humbi gruan, vajzën dhe mbesën e vogël.
“Ambulanca është dhuratë për komunitetin e Mamurrasit nga Ramiz Vokshi, në emër të tre të ndjerave të familjes Vokshi”.
Në vitin 2016, ndërsa po ktheheshin nga një park lojërash, u aksidentua rëndë me makinë dhe humbi jetën 35-vjeçarja Valbona Vokshi, (vajza e Ramizit), vajza e saj Isabela Kuçi 5 vjeçe, dhe bashkeshortja (e Ramizit), 55 vjeçarja Xhemile.
Pas makinës së tyre ndodhej në një tjetër automjet motra e Valbonës me djalin dy vjeçar, të cilët u përfshinë në aksident por fatmirësisht mbijetuan.
/tvklan.al