Kylian Mbappe nuk ka pasur një jetë të lehtq. Francezi është detyruar që të marrë vendime që do të ndryshonin gjithçka që në moshë shumë të re.
Babai i tij, Wilfried Mbappe foli këtë të premte në një program televiziv francez duke vënë në dukje sakrificat e bëra nga sulmuesi aktual i Realit të Madridit për vite të tëra për t’u bërë një prej futbollistëve më të mirë në botë. Të qenit në majë me Realin e Madridit dhe përfaqësueses franceze nuk ka qenë falas
‘Dua të nënvizoj sakrificat-tregon Wilfried Mbappe-po flasim për sakrificat që bëhen në nivel njerëzor kur e ke djalin që luan futboll. E kam parë Kylian të largohet nga shtëpia kur ishte 12-13 vjeç. Askush nuk e merr parasysh këtë. Tani, që është një produkt i formuar, është e sigurt që njerësit thonë; ‘është shndërruar në këtë apo atë’. Por ka shumë gjëra që nuk i kemi dhe që nuk do t’i zëvendësojmë kurrë. Aktualisht, kush ka fëmjë që t’i humbasë në moshën 13-14 vjeçare? Askush, nuk ka asnjë baba apo nënë që të thotë: ‘djali im u largua nga shtëpia 13 vjeç dhe nuk u kthye kurrë më’. Kjo është ajo që ka ndodhur. Është projekti i tij, është një histori e bukur, por është e vërtetë se kur ua shpjegoj disa prindëve nuk e kuptojnë. Njerëzir nuk mund të kuptojnë, luante te Monaco me kampionë’
Babai i Mbappe foli edhe për pankinën e Francës dhe ardhjen e Zinedine Zidane në të për të treguar edhe një moment që përjetoi djali i tij kur Zidane luante me Realin e Madridit
‘Nuk e di nëse Zidane është kandidati ideal, por do të jetë shumë i mirë-tha Wilfried Mbappe-këtë do ta mësojmë më vonë, por do të jetë shumë e vështirë të ndjekë shembullin e Deschamps. Nuk duhet të harrojmë se çfarë ka arritur dhe se çfarë historie do të na lejë. Nëse do të jetë Zidane, të gjithë do të jemi të kënaqur. Kylian kur ishte i vogël ishte një fëmijë i gjallëruar, bënte shumë zhurme. Kur Zidane hapi derën, iu mbyll goja dhe qëndroi pafolur. Që nga ajo ditë e pashë ndryshe. Është një njeri i këndshëm. Ka njerëz që nuk i njeh, i sheh në televizion, por kur i njeh drejtpërdrejt të zhgënjenjë. Ai është totalisht e kundërta’./TC
