Shkodra u trondit mbrëmjen e së enjtes nga një atentat mafioz, ku 34-vjeçari Kristian Kola humbi jetën në mes të qytetit. Ai ishte duke pirë kafe në një lokal te “Kinema Republika”, kur dy autorë e qëlluan në drejtim të tij, duke e lënë të vdekur në vend.
Hetimet për ngjarjen janë në vijim, ndërsa babai i viktimës ka hedhur akuza të forta ndaj autoriteteve. Në një intervistë për “Shqipëria live”, ai tha se lajmin për vdekjen e djalit e mori përmes mediave të huaja, duke shtuar se ndërhyrja e ambulancës ka qenë me vonesë. Ai e cilësoi ngjarjen si një atentat mafioz dhe akuzoi Shtetin dhe policinë për lidhje me krimin.
“Këtu 99% është dora e policisë, e Shtetit që i jep këtyre atentatorëve mundësi me vra me pare.
Babai i Kristian Kolës theksoi se djali i tij nuk kishte pasur konflikte dhe ishte një person i qetë dhe punëtor. Ai e përshkroi djalin si një person të urtë dhe shoqërueshëm, i cili punonte në ndërtim dhe kishte jetuar një jetë të thjeshtë.
Djali ka punuar në ndërtim. Nuk ka pasur mundësi të bëjë punë tjetër, se ishte 10 orë në ditë në ndërtim. Unë djalin e kam pas si shok, ka pasur një natyrë të veçantë, ishte i urtë i shoqërueshëm. Nuk është marrë me asnjë aktivitet tjetër”- tha ai.
Pas ngjarjes, ai paralajmëroi për vetëdrejtësi nëse autorët nuk kapen dhe nuk dënohen. “Do të marr hak për djalin tim,” tha ai, duke kërkuar largimin e policisë së Shkodrës dhe vendosjen e një force tjetër për të luftuar krimin.
https://m.youtube.com/watch?v=vpTHx2akHEY&pp=ygUdVnJhc2phIGUga3Jpc3RpYW4ga29sZXMgYmFiYWk%3D
