Sidomos pas këngës “7 rings”, ku provoi të bënte rap, mediat iu vunë kundra Ariana Grande-s me argumentin se po përpiqej të bënte para duke imituar njerëzit me ngjyrë.
Një ndër detajet që u vu re në rrjetet sociale ishte se këngëtarja po shfaqet me lëkurë përherë e më të errët. Në fotot e viteve më parë, lëkura e saj duket shumë herë më e bardhë.
Por, duket se lëkura e errët si të kesh qëndruar tre muaj në një ishull të rrahur nga dielli, është kthyer në një trend të vërtetë dhe të famshmet tona, e kanë përqafuar menjëherë në nisje të sezonit veror.
E veshur me të verdhë neoni për të krijuar kontrast, Kida shfaqet më e nxirë se zakonisht në fotot e fundit në Instagram.
Nora Istrefi ka qenë përherë fanse e lëkurës së pjekur, por tek klipi “Nuk e di” me Era Istrefin, e çoi lëkurën e nxirë në një nivel tjetër e veshur me të bardhë.
Po kështu, edhe Era, zgjodhi një makeup më të errët se zakonisht.
Xhensila Myrtezaj u shfaq me një tonalitet më të errët se lëkura e saj natyrale gjatë xhirimeve të videos “Sekreti im”.
Kiara Tito gjithashtu ka parapëlqyer të zgjedhë një makeup më të errët me prerjen e re të flokëve, duke theksuar gjithashtu edhe vetullën.
