Arbër Bytyqi ka komentuar lojën e Gjestit në Big Brother VIP Albania 4, duke theksuar se këngëtari ka ndryshuar shumë. I ftuar në emisionin “Krejt n’debat”, grimeri i njohur nga Prizreni tha se Gjesti ka fituar shumë vetëbesim, por se kjo ka kaluar kufirin, duke e bërë më pak të natyrshëm.
Ai shtoi se në Kosovë Gjesti ishte më i sinqertë dhe më i vërtetë, ndërsa në Shqipëri po jep maksimumin për të qenë më i pëlqyer dhe për të krijuar lidhje më të forta me banorët.
“Ka dalë prej lëkurës së vetë, është çështje vetëbesimi. Ai ka informatë, ka ndez. Ai e jep 200 për qind atje. Kjo lojë nuk është fer sipas meje,” tha Arbëri. Megjithatë, Gjesti vazhdon të jetë një prej banorëve më të preferuar të publikut, pavarësisht kritikave.
