Apple bashkëpunon me Hermes duke u kthyer në high fashion:
Marka më e njohur në teknologji Apple vendosi të bashkëpunojë me markën franceze shumë të njohur Hermès. Nga ky bashkëpunim u formua ora e re apple watch me një pamje high fashion. Të dyja markat merren me produkte tërësisht të ndryshme por në bashkëpunimin e tyre u dallua vlerësimi që kanë për të krijuar një design me kualitet të lartë. Apple Watch Hermès është prova më e re e këtij kualiteti.
Bashkëpunimi u lançua gjatë një konference gjigande në San Francisco ditën e djeshme e cila gjithashtu publikoi Iphone 6s, Iphone 6s+ dhe Ipad Pro. Pierre-Alexis Dumas, drejtori ekzekutiv i drejtimit artistik shprehet se është shumë i lumtur për këtë bashkëpunim pasi shpreh modernizëm dhe tregon të ardhmen e modës dhe teknologjisë.
çmimi i orës do të fillojë nga 1,100$ dhe do të ketë një diametër 38mm. Koleksioni është i arritshëm në faqen zyrtare të Hermes pas datës 5 Tetor.
