Doni të lyheni sytë tuaj bukur edhe pa qenë profesioniste e make up-it? Me pak vëmendje mund ta bëni vetë pa shumë mundim.
Në hapin e parë ju duhet të aplikoni me furçën tuaj të syve, tonin e syrit në ngjyrë nude në të gjithë katrorin e syrit.
Hapi i dytë; duhet të lyeni syrin me ngjyrën metalike të shkëlqyeshme, sipër pjesës ku më parë kaluat tonin ngjyrë nude. Kujdes, duhet të lyeni vetëm brenda katrorit të syrit, pa e nxjerrë jasht.
Hapi i tretë; me lapsin tuaj të zi, lyeni me kujdes fundin e syrit në formën e gjysëmhënës, pa e përhapur shumë.
Hapi i katërt; me një furçë të cilën më parë e keni përdorur vetëm për ngjyrën e zezë, filloni të përhapni duke e bërë me dritëhije cepin e syrit tuaj si lart dhe poshtë pjesës së qepallës së syrit.
Hapi i pestë; me një tjetër furçë me fije të shpeshta, filloni të bushni fundin e syrit me ngjyrën e zezë duke e lyer me kujdes.
Hapi i gjashtë; me lapsin tuaj të zi, lyeni konturin e syrit poshtë dhe lart. Vetëm kujdes, lart duhet mos i mëshoni shumë.
Hapi i shtatë; me furçën të cilën e përdorët në hapin e pestë, bjerini sipër konturit të lapsit lehtë për t’i dhënë një dritëhije më të fortë dhe theksuse.
Hapi i tetë; lyeni lehtë tulin e vetullës me ngjyrën e metalit që më parë kishit lyer katrorin e syrit. Kjo është për t’i dhënë një kombinim të gjithë pjesës së syrit, pa pasur nevojë t’i shtoni ngjyra të tjera apo ndonjë procedurë tjetër lyerje.
Hapi i nëntë; me furçë nëse dëshironi, mund ta pudrosni përsëri syrin tuaj me ngjyrën metalike për të nxjerrë në pah formën e duhur.
Hapi i dhjetë; me penelin-furçë bëni konturin e syrit me kujdes, si lart dhe poshtë.
Hapi i njëmbëdhjetë; lyeni syrin me rimel që të vijë në pamjen përfundimtare.
Kështu do të keni një sy të lyer mirë dhe me pak mundim.
Burimi “Fashion Trends”
