Ankohemi shpesh se sa e vështirë është të qëndrosh i përpiktë dhe i organizuar me çdo objektiv që vendosim. Epo, në rast se mendoni se koha e shpenzuar “online” është vetëm në dëmin tuaj, ne ju ofrojmë mundësinë e të kontrolluarit të kohës me anë të këtyre programeve që ju ndihmojnë në organizim, menaxhimin e kohës dhe rregullin e punës.
Këto janë pesë programet e përzgjedhura:
- Evernote
Ky është një program i aksesueshëm për në desktop, Iphone apo Android. Ai arrin të bëjë lidhjen mes të gjitha pajisjeve elektronike që ju përdorni dhe mban shënim websitet, idetë, imazhet e shumë më tepër. Aty do të mund të mbani të organizuara të gjitha kategoritë e punës tuaj.
- Wunderlist
Është gjithmonë e rëndësishme të përdoren listat e gjërave që kemi për të bërë gjatë ditës. “Wunderlist” mban shënim të gjitha punët që keni për të bërë. Lista mund edhe të shpërndahet me kolegët tuaj apo familjen. Mund të krijoni disa lista dhe është shumë i lehtë në përdorim për shtimin apo heqjen e objektivave.
- CoSchedule
“CoSchedule” është një program që ju lejon të jeni strikt me planifikimin e kohës tuaj ashtu si duhet. “CoSchedule” ju ndihmon të komunikoni me miqtë apo me zyrën tuaj edhe në momentin kur ju nuk jeni aty duke e vendosur vetë minutazhin se kur do dërgohet email-i apo se kur do ketë postime të reja.
- Blog Planner
“Blog Planner” është një dokument që mund të merret lehtësisht në kompjuterin tuaj dhe ndihmon në organizimin e përmbajtjes të blogut apo faqes, duke patur parasysh lista, plane, evente edhe më shumë. “Blog Planner” ju ndihmon të përqëndroheni në rritjen e suksesit të blogut tuaj duke e mbajtur gjithë kohën të organizuar mirë.
- Google Chrome Extension – Grammarly
“Grammarly” është ndihma që vetë “Google” ofron për përdorim dhe që lehtëson kohën tuaj duke ju ndihmuar në përmirësimin e punës. “Grammarly” qëndron në çdo kohë kur ju jeni duke punuar, pasi tregon gabimet drejtshkrimore që mund të bëni.
Në fund të fundit të gjithë kërkojmë të jemi të saktë me kohën që shpenzojmë duke mos lejuar të na humbasë asnjë minutë prej saj. Tani edhe teknologjia arrin t’ju ndihmojë më këtë.
