Duket se festa e argjentinasve për triumfin në Botërorin e Katarit nuk ka shkuar ashtu siç duhet, me kaosin që ka mbërthyer shtetin latin mes përplasjeve të tifozëve dhe policisë.
Siç raportohet nga mediat, një person ka humbur jetën teksa u hodh nga tarraca e një pallati, ndërsa një fëmijë 5-vjeçar ndodhet në gjendje koma.
Në pamje duken tifozët të revoltuar të cilët hedhin sende të rrezikshme ndaj policisë, ndërsa këta të fundit gjithashtu nuk kanë nguruar të gjuanin me armë për t’i trembur.
Ditën e djeshme u raportua se një 22-vjeçar ndërroi jetë në Argjentinë gjatë festimeve të Kupës së Botës. I riu u mbyt nga flamuri i Argjentinës, të cilin e mbante në shpatulla.
Gjithashtu është raportuar edhe për rreth 18 persona të plagosur, gjashtë prej të cilëve gjenden në spital.
Lështu shkruan agjencia e lajmeve “Telam” dhe shton se diagnoza fillestare ishte trauma e shumëfishtë në gjymtyrët e poshtme ose të sipërme, kryesisht për shkak të rënies nga pemët, semaforët apo urat.
Aksidenti më spektakolar përfshiu dy tifozë, të ulur me këmbët e tyre në bordurën e një ure që kalon autstradën Riçhieri, tentuan të hidheshin brenda autobusit të hapur në të cilin po dhëtonte Messi dhe skuadra e tij. Në fakt, njëri prej tyre u hodh me sukses, ndërsa tjetri u përplas me pjesën e autobusit duke u plasuër në asfalt ku mori ndihmën e menjëhershme nga të pranishmit e më pas stafit mjekësor.
Mediat vlerësojnë se 5 milionë njerëz u mobilizuan në qytete në të gjithë vendin në një ditë të kthyer në festë nga qeveria. Festa, megjithatë, u pezullua në kryeqytet pasdite, për shkak të pamundësisë së autobusit për të ecur mes njerëzve në kushte sigurie të mjaftueshme. Lojtarët u transportuan me helikopter.
