Aleanca për Mbrojtjen e Teatrit Kombëtar ka depozituar zyrtarisht kallëzimin penal ndaj kryebashkiakut të Tiranës Erion Veliaj dhe zv.kryebashkiakut Arbjan Mazniku.
Kallëzimi i Aleancës lidhet me shembjen e teatrit dhe ndërtimin e një të ndërtese të re. Por akuza lidhet edhe me pronën pasi dyshohet se projekti do të përfshijë një pjesë shtetërore të Teatrit për t’ia dhënë privatit.
Sipas përfaqësuesve të Alenacës, Tirana nën administrimin e Veliajt ka humbur shumë prej gjurmëve të saj, duke zhdukur trashëgiminë shqiptare.
Veliaj akuzohet se ka rritur me qindra fish sipërfaqen e betonit shpesh duke shndërruar prona publike në private dhe ka betonuar parqet dhe vrarë hapësirën publike!
“Teatri Kombëtar është pjesë e trashëgimisë tonë si shqiptarë dhe një nga objektet me vlera kulturore dhe arkitektonike që vlerësohet dhe u shpall si trashëgimi edhe europiane nga autoritetet më të larta të Bashkimit Europian”, është shprehur më herët aleanca.
/BalkanWeb
