I ftuar pasditen e djeshme në “S’e luan Topi”, ka qenë aktori Albano Bogdo i cili ka folur lidhur me rrugëtimin e tij si aktor dhe vështirësitë që ka hasur në fillim të karrierës së tij.
Teksa foli për sakrificat e së ëmës e cila bënte tre punë që ai të vazhdonte Akademinë, Albano rrëfeu edhe për audicionet e njëpasnjëshme në “Portokalli”, pas të cilave ka marrë gjithmonë përgjigje negative: “Kam bërë 4 herë audicione në “Portokalli” dhe jam refuzuar.”- u shpreh ai.
Më thanë “Ti nuk di të bësh humor”…” – kujton Albano, duke shtuar se nuk ishte shkak që ai nuk dinte të bënte humor, duke qenë se e ardhmja e tij do të lidhej pikërisht me këtë profesion, por faji ishte i regjisorit të “Portokallisë” në atë kohë, i cili, sipas Bogdos, nuk dinte të dallonte talentin e tij.
